ప్రముఖ అంతర్జాతీయ ఐటీ సంస్థ హైదరాబాద్ లో తన క్యాంపస్ ఏర్పాటు చేయడానికి ముందుకొచ్చింది. మంత్రి కేటీఆర్ తో జరిగిన చర్చల అనంతరం సంస్థ ప్రతినిధులు ఈ ప్రకటన చేశారు. దీని ద్వారా సుమారు 5 వేల మందికి ప్రత్యక్షంగా ఉద్యోగాలు లభిస్తాయని వెల్లడించారు.
యాదాద్రి లక్ష్మీనరసింహ స్వామి వారి హుండీ ఆదాయం రికార్డు స్థాయిలో వచ్చింది. గడిచిన 15 రోజుల్లో భక్తులు కానుకల రూపంలో సమర్పించిన ఆదాయాన్ని అధికారులు లెక్కించారు. సెలవు రోజులు కావడంతో భక్తుల తాకిడి పెరిగిందని ఆలయ ఈవో తెలిపారు.
హైదరాబాద్ నగర వాసులకు ట్రాఫిక్ కష్టాలు తీరనున్నాయి. మెట్రో రైలు రెండో దశ విస్తరణకు ప్రభుత్వం ఆమోదం తెలిపింది. ముఖ్యంగా ఎయిర్ పోర్ట్ కు వెళ్లే మార్గంలో కొత్త లైన్ పనులు త్వరలో ప్రారంభం కానున్నాయి. దీనికోసం బడ్జెట్ లో ప్రత్యేక నిధులు కేటాయించారు.